Sazaa

Hey doston, jo tum mazaak udaa rahe they, to lo iski original kahaani sun lo, Lion form mein. (lion = sher anpad!)

Chapaat jo mera naam pada hai, haye is duniya mein zulum bada hai,
zaalimo kee jo fauj khadi hai, chai peeyoge ? thand badi hai.

Ek din kee tum baat sunoji, Din nahi thaa raat thee wo ji,
Lions ka ab mood hua hai, Lo suno fir , arz kiya hai.

Lion jo pasand na aaye, to mera to kuch naa jaaye,
mainay konsaa karz liya hai ? par lo sun lo, arz kiya hai.

Chapaat tha koi ek bechaara, tha woh to wella no. one,
wella hota to to theek, par tha woh hee akela no. one.

Ek chapaati kee khoj mein, ghoomta tha woh,
galeeyon mein, bazaar mein, kaha kaha na dhoondhta tha woh.

Chapaati ke bin, uska jeeven, bada, feekaa sa tha,
Kya kahu, jaise bin make-up kee, rekhaa sa thaa.

Jaise bin shakkar kay sharbat saa thaa,
Jaise bin barfo kay parbat saa thaa.

Fir jab ek chapaati ne, jeevan mein uske kadam rakkha,
duniya badal gayi thee uski, aisa usko laga dhakka.

Chapaat usse chahta thaa bahut, par himmat naa jutaa paya,
love story kee starting huvi tab, jab chapaati ko bhi chapaat bhaaya.

Chapaati ne aakar chapaat ko, apne pyaar ka izhaar kar diya,
chapaat kaa mooh to khulaa nahi, is khushi ne aisa uspe, vaar kar diya.

Chapaat kaa jo jeevan thaa, woh pyaar rang se bhar gaya,
zaraa dekho bhai logo, yeh chota sa ILU, kya kya kar gaya.

Ab dekho kaise usko, chapaati, yaaro mil gayee,
Aisa huva, jaise devdas ko uski paaro mil gayee.

Sote jaagte chapaati aur chapaati hee yaad aati thee,
chapaati ke rangeen yaad, uske dil mein rang bhar jaati thee.

Chapaat thaa gareeb saa, par ladka thaa mehnatee aur sincere,
lekin chapaati se to sacha pyaar, tha kiya usne dear.

Mehnat se khoon paseena ek kar ke, usne kaafi money jamaa kiya,
'Chapaati' restaurant start kar ke, aur bhi kaafi money kamaa liya.

Chapaati kee to neeyat ab, bigad see gayee,
dhoke se sign kara kar woh, nikal hee gayee.

Chapaat ne to pyaar kiya tha, chapaati ab bhi thee use pyaari,
chapaati ko ek shabd na bola, sop dee amaanat saari kee saari.

Chapaat ab aaya road pe, toote dil ke saath,
na chapaati na tha paise, bache bas do haath.

Chapaat jee ne haar na maanee, mehnat mazdoori se rozi kamaayee apni,
kudrat ka bhi khel to dekho, chapaati ko bhool dikh aayee apni.

Maafi woh kis mooh se maange, sharam kee maare mar rahee thee,
par maafi kee use zaroorat na thi, chapaat se kyu woh darr rahee thee ?

Sharam aur is darr ke maare, chapaati ne apna haath tha kaata,
Paisa mila par bin chapaati, yeh bechaare chapaat kee gaathaa.

Dukhti rago par haath jo rakha, to is chapaat ko yaad woh aayee,
Chapaati ko koi kuch na kehna, abhi bhi is heart ko yaad woh aayee.